Nýjustu fréttir
Vika rúmenskrar tungu og kvikmyndahátíð
11. maí 2012
Stofnun Vigdísar Finnbogadóttir og ítalskan við Háskóla Íslands standa fyrir viku rúmenskrar tungu og sýningum á fjórum kvikmyndum frá Rúmeníu dagana 14. - 16. maí nk.Rúmenska er eitt af rómönsku málunum, skyld ítölsku og töluð af um 28 milljónum manna í Rúmeníu og Moldavíu. Margir frægir rithöfundar hafa komið frá Rúmeníu og má þar nefna Alecsandri, Tzara og Ionesco. Tungumálanámskeiðið hefst mánudaginn 14. maí og stendur frá kl. 17:00 - 19:00, mánudag, þriðjudag og miðvikudag. Kvikmyndirnar eru sýndar á fimmtudag og föstudag, 17. og 18. maí. Fyrri sýning dagsins hefst kl. 17 og sú seinni hefst kl. 19. Myndirnar eru sýndar með enskum texta. Námskeiðið og kvikmyndasýningarnar fara fram í tungumálamiðstöðinni í Nýja Garði. Kennari er Marinellea Lorinczi frá Cagliari háskólanum. Skráning og nánari upplýsingar eru hjá Maurizio Tani, - maurizio@hi.is eða hjá Eyjólfi Má Sigurðssyni: ems@hi.is
Meira >Euskera - tungumál Baska
09. maí 2012
Fyrirlestur um Euskera, en svo nefnist tungumál Baska, verður haldinn í stofu 102 í Gimli fimmtudaginn 10. maí nk. og hefst hann kl. 16.Victoria Urresti dósent við Háskólann í Baskalandi fjallar um tungumálið Euskera sem Baskar hafa varðveitt í þúsundir ára. Euskera hefur ekki verið notað af opinberum aðilum, heldur varðveist meðal alþýðunnar sem metur mikils þann þjóðararf sem felst í eigin tungumáli Baska. Euskera er talið alls óskylt indó-evrópskum tungumálum og elstu rituðu heimildir á Euskera eru yfir þúsund ára gamlar. Fyrirlestur Victoriu Urresti verður fluttur á spænsku og er öllum opinn.Meira >Erindi um list og menningu í Leníngrad á vegum rússneskunnar
07. maí 2012
Fimmtudaginn 10. maí, kl. 17:00-18:00, verður flutt erindi sem er liður í menningardagskrá vegum rússneskunnar, Stofnunar Vigdísar Finnbogadóttur í og sendiráðs Rússneska sambandsríkisins. Fyrirlesari er Ingunn Hreinberg, þýðandi,
túlkur og stundakennari við HÍ. Erindi hennar nefnist: Olga Berggolts – list og menning í Leníngrad á tímum umsátursins.Í tæpa 900 daga, í heimsstyrjöldinni síðari, sátu hersveitir nasista um Leníngrad. Borgin varð fyrir miklum skemmdum og íbúarnir voru að mestu matar- og eldsneytislausir. Í erindinu fjallar Ingunn um ljóðskáldið Olgu Berggolts sem ásamt öðrum listamönnum borgarinnar veitti borgarbúum innblástur og styrk á erfiðustu tímum í sögu Leníngrad.
Erindið verður flutt í móttökusal rússneska sendiráðsins að Garðastræti 33 (gengið inn um hlið til vinstri við sendiráðið).
Að erindinu loknu verður boðið upp á kaffi, te og kökur fyrir þá sem vilja. Aðgangur er ókeypis og allir velkomnir.
Meira >
